Подля дослідженя 70 %  жытелям Словакії в країні найвеце хыбує людьскость. Найвекше загрожіня про психічне здравя є економічный тиск і політична сітуація. Половина людей ся чує вычерпана. Вецей як 60 % респондентів повіло, же бы  своє душевне здравя оцінило як добре або барз добре. 51,9 % чує спокій, 42 % вдячность, щастя высловило 32,8 % а  18,3 % радость. Дослідженя ся зреалізувало з нагоды Европского тыждня публічного здравя, котре єдночасно поуказало на  потребу психічной підпоры і боя за людскость. (TASR, Pkf)