Поліція знову упозорнює на далшу підводну справу, котру у четверь достали дакотры Словаци. Одосылателём мать быти міністерство внутрїшнїх дїл, котре твердить, же здобыло контролю над мобілом приємцу, затоже позерав порноґрафічны сторінкы. Поліція о тім інформовала на соціалній сїтї з тым, же резорт не блокує жадны мобілы а не жадать заплачіня покуты за одблокованя. В припадї, же достанете таку справу треба подля поліції остати в клюдї а уважовати. Натреба тыж підлїгати страху. Перед платбов є фурт добре порадити ся з близкыма. ,,Жывани знають, же чім веце часу роздумуєте і лоґічно уважуєте, же то, што од вас жадають, не мать змысел, тым ся їх шанцы, же вас окрадуть, знижують,“ приближыли. Жадна штатна інштітуція на людей нїкда не буде тискати через справу а выгорожовати, же кедь люде не заплатать, або не задають інформації з карты, так будуть знашати наслїдкы, приближыли.

(TASR, Шутіова)