Выняткове засіданя Народной рады (НР) СР к пропозиції на одкликаня Самуела Міґаля (незалежный) з місця міністра інвестіцій, реґіоналного розвою і інформатізації ся не подарило отворити ани на другу пробу. Посланці не были способны  голосувати, презентовало ся їх лем 56. Председа НР СР Ріхард Раші (Глас-СД) засіданя зато пересунув на пятніцю (24-го октобра) о 8.00 годині. Тото засіданя ініціовало опозічне Progresívne Slovensko (PS), котре крітізує Міґаля за слабе чeрпаня еврофондів, їх заморожiня про міста і сela, але главно за публічне обстараваня на додавкы ІТ рiшень про портал slovensko.sk. Подля посланця Яна Гарґаша (ПС) міністер інвестіцій накупує так, же до обстараваня не мають скоро нияку документацію. Наспак, Міґаль тырвать на тім, же барз одкрыто і подробно высвітлив деталы тыкаючі ся проєкту порталу slovensko.sk. (TASR, Пкф)