Посланці Народной рады Словацькой републікы почали у віторок четвертый день актуалного 19-го засіданя діскусійов о консолідачнім паклику в другім чітаню. Прийманя проходить в скороченім леґіслатівнім процесі, голосованя очекує ся у четверь. Паклик є поскладаный із двох леґіслатівных пропозіцій. Векшыну кроків у обємі приблизно дві міліарды евр обсягує пропозіція закона, котров ся новелізують законы в повязаню з далшым зліпшованьом стану публічных фінанцій. Далшых майже 700 міліонів евр бы мала до розрахунку принести нова дань, котру управлює пропозіція закона о дани з фінанчных трансакцій. Міністерство фінанцій і коалічны посланці вже авізовали дакілько змін в порівнаню з первістнов пропозіційов, котра была оголошена лідерами коалічных партій перед двома тыжднями.

(Медвідь, TASR)