Председу Конференції єпіскопів Словакії, кошыцького архієпіскопа метрополіту Бернарда Бобера прийме у Ватікані 21-го януара слідуючого року Папа Франціск. Інформовала о тім Пресова канцеларія КЄС на своїм сайті. Святішый отець прийме у Ватікані і словацьку презідентку Зузану Чапутову. На навщіву Святішого Престолу одыйде голова словацькой державы 10-го децембра. Почас навщівы презідентка абсолвує і їднаня з державным секретарьом Пєтром Пароліні. Влони в септембрі Папа Франціск навщівив Словакію. Завітав втогды до Братіславы, Кошыць, Пряшова і Шаштіна.

(Медвідь, TASR)