Представителі  країн Вышеградской штиркы (V4) ся вчера підвечур стрітли при памятнику Брана  слободы під градом Девін в Братіславі, де положыли вінці і дали честь так жертвам, котры были вбити при пробі о утікнутя через желізну опону. Місце, де ся находить памятник, за словами словацького премєра Петра Пеллеґрініго свойов траґічностьов демонштрує в цалій наготі то, як вызерав режім, котрый перед 30-роками скнічив. „Тото місце, окрім тых вшыткых жертв, сімболізує і місце, де ся як бы то втогды стрічавали два світы. Єден незалежный, демократичный, і тот, котрый ся до людей односив так, як ся односив, і проти котрому  наконець ся люде перед 30-роками поставили,“ повів премєр Пеллеґріні новинарям. (TASR, Pkf)