Презідентка у четверь підпорила 28. рочник збіркы Дня нарцісів. На соціалній сїтї повказала на то, же жовты нарцісы днесь додавають надїю а помагають вшыткым, котры статочно боюють з онколоґічным захворїнём. ,,Зіск той збіркы путує на підпору проєктів Ліґы проти раковинї, котра помагать онколоґічным паціентім і їх родинам уж веце як 34 років. Збірка бы ся не дала орґанізовати без помочі добровольників і добровольнічок, котры заповнять уліцї міст по цїлїй Словакії,“ увела презідентка.Подяка подля нєй належить добровольникім, але і вшыткым, котры вырїшыли підпорити добру річ а проявлять так солідаріту з онколоґічныма паціентами.

(TASR, Шутіова)