Презідентка Словацькой републікы Зузана Чапутова в понедільок телефоновала з ґенералным секретарьом Орґанізації зъєдиненых народів Антоніом Ґутерресом. Інфромовала о тім на соціалній сіті з тым, же бісідовали головно о коронакрізі. „Почас крізы сьме виділи, як тонка може быти граніця меджі правилныма кроками і правнов державов а порушованьом людьскых прав. Є то про нас скушеность, в котрій треба найти правилну рівновагу,“ повіла презідентка з тым, же з Ґутерресом ся згодли, же хотять в тій темі в будучности співпрацовати. Ґенералого секретаря Орґанізації зъєдиненых народів єдночасно запросила на Словакію.

(Медвідь, TASR)