Презідентка Словацькой републікы Зузана Чапутова тот тыждень урядує з презідентьской канцеларії в Кошыцях. Голова державы в понедільок стрітила ся з пріматором Кошыць Ярославом Полачеком і старостами сел околіці. Як місто інформовало, єднов з головных тем быв актуалный стан приправ проєкту хоснованя ґеотермалной енерґії. Презідентка в понедільок акцентовала і потребу розшыріня капаціт кошыцького Дітячого факултного шпыталю. Зробила так по навщіві того заряджіня. На реалізацію надбудованя шыпталю бы подля презіденткы мала выділити фінанції влада.

(Медвідь, TASR)