Презідент СР Петер Пелеґріні одышов днесь рано до Любляны на двойднёву навщіву Словіньска. Цїлём пути є розвиток і підпора білатералных і економічных одношінь. Голова штату буде зо словіньсков презідентков Наташов Пірцовов Мусаровов роковати о актуалных загранічно-політічных, трансатлантічных одношінях ці енерґетічній безпечности. TASR о тім інформовав одбор комунікації Канцеларнї презідента СР.,,Робоча путь головы штату тематічно западать до контексту навщів презідента в державах западнёго Балкану, котры Словеньско і Словіньско згоднї підпорують коло інтеґрації до Европской унії,“ приближыла КП СР.

(TASR, Шутіова)