Словакія не хоче быти країнов, котра буде боронити консензу в припаді звекшованя вытрат на оборону членьскых держав Североатлантічной аліанції. Перед нами є теперь велика діскусія, повів у понедільок по саміті лідерів Бухарештьской девяткы в літовскім Вілнюс презідент Словацькой републікы Петер Пеллеґріні. Словацькый презідент пояснив, же подля пропозіції мали прямы оборонны вытраты членьскых держав НАТО підняти ся з теперішніх двох процент ГДП на 3,5 процента, і єдночасно бы мож было далшых 1,5 процента інвестовати до такзваного дуалного ціля. В повязаню з тым подля презідента буде проходити важна діскусія на слідуючім саміті НАТО в голандьскім Гаазі о три тыждні.

(Медвідь, TASR)