Премєрь Роберт Фіцо днесь одыйшов до Італії. В рамках робочой драгы ся у Ватікані стрітне і з папом римскым Франциском. Пресаґентуру TASR о тім інформували з пресового і інформачного одбору Уряду влады СР. Робоча драга буде тырвати 13-го і 14-го фебруара. Днесь навщівить Папежскый словацькый інштітут і колеґіум св. Кирила і Мефодія, завтра буде в Апоштолскім палаці у Ватікані їднати зо штатным секретарьом Святой століці, кардіналом Піетром Пароліном. Потім го прийме на особній авдієнції папа римскый Франциск. Премєрь єдночасно на соціалній сіті інформував, же до делеґації вчленив і свою маму. Пояснив, же мамі і єй спроваджаючій особі платить цілый келчік повязаный з робочов драгов. (TASR, Pkf)