Председа влады СР Роберт Фіцо днесь рано одышов до Бруселу на саміт лідрів членьскых штатів Европской Унії. Презіденты і премєры країн двадцятьсемічкы будуть в час засіданя Европской рады їднати о дакількох темах, включно з продовжуючов войнов на Україні, сітуаційов на Близькім выході, вопросами европской обороны і безпечности. Діскутовати будуть і о економічных вызвах, главно што ся тыкать посилніня конкуренціяспособности Европской Унії. Лідры будуть приділяти увагу і проблематіці міґрації, актуалній сітуації в Молдавії, на западнім Балкані і далшым актуалным вопросам. Премєр бы ся мав домів вернути завтра. (TASR, Pkf)