Міністерство внутрїшнїх дїл (МВД) СР буде при охранї і інтеґрації дїтей і родин утеченцїв на Словакії кооперовати з Дїтьскым фондом UNICEF. У четверь заперли меморандум о порозумлїню, котре в Братїславі підписали штатный таёмник резорту внутрїшнїх дїл Венделін Леітнер і коордінаторка UNICEF про Словакію Міхаела Бауер. TASR о тім інформовав тисковый одбор МВД СР. Штатный таёмник подяковав за підпору, котру UNICEF в повязаню з войнов на Українї удїлює Словакії.Коордінаторка UNICEF про Словакію оцїнила дотеперішню сполупрацу і поміч, котру Українї і утеченцїм проявила словацька влада і цїла сполочность. Зарівно підчеркла актівіты міністерства внутрїшнїх дїл як лідра коло коордінації додаваня помочі утеченцїм.

(TASR, Шутіова)