Реформа шпиталів непринесе їх зрушіня, але лем трансформацію ліжок. Цільом реформы є забранити тому, абы пацєнты блудили в сістемі. Увів то в діскусній релації TA3 В політиці міністер здравотницьтва Владімір  Ленґварскый. Міністер припомянув, же уж днесь шпиталі заникають, діє ся то шак жывелні. „Завдякы реформі ся шпиталі претрансформують на іншы шпиталі. З реформов шпиталів є повязана і реформа амбулантной старостливості. Є то місце де наставать першый філтер пацєнтів. Вшеобецным лікарьом треба дати веце компетенцій і можности робити з пацєнтом“, повів Ленґварскый. Єдночасно потвердив, же резорт здравотницьтва надале рахує з выставбов кінцьового шпиталю на братіславскых Разсохах. (TASR, Pkf)