Презідентка Зузана Чапутова ся вчера стрїтнула в  Презідентьскім палаці з председом Smeru-SD Робертом Фіцом, котрый єй одовздав список кандідатів на членів новой влады. Презідентка ся з номінаціями повідомить і наслідні буде інформувати о своїх дальшых крокох. Hlas-SD представив свої номінації на міністрів в новій владі – Ерік Томаш бы вів міністерство праці, Зузана Долінкова міністерство здравотницьтва, Ріхард Раші міністерство інвестицій і  інформатізації, Деніса Сакова міністерство господарства, Томаш Друцкер міністерство школства а Матуш Шутай  Ешток міністерство внутра. Лідер Hlasu-SD Петер Пеллеґріні ся буде уходити о місце председы Народной рады СР. Словацька народна партія за міністра жывотного оточіня запропонувала Рудолфа Гуліака. Міністерков културы бы могла быти Мартіна Шімковічова. (TASR, Pkf)