Премєрь Роберт Фіцо на коалічній раді тот тыждень офіціалні предложыть пропозицію на одкликаня председы опозичного Проґресівного Словеньска Міхала Шімечку з місця підпредседы Народной рады (НР) СР. Як буде председа PS Міхал Шімечка одкликаный з місця підпредседы Народной рады СР, опозиція бы мала зволити єднотный поступ і вздати ся місць председів і підпредседів выборів, котры патрять опозиції. Пропонує то председа SaS Браніслав Ґроглінґ. (TASR, Pkf)