Рух Slovensko вызывать справну раду бардейовского шпиталю, абы в згоді зо штатутом інштітуції одкликала діректора Маріана Петка. Ексміністер здравницьтва і посланець Народной рады СР Марек Крайчі то повів у вівторок на пресконференції у звязку з Петковым одсуджіньом за корупцію. Як єдночасно повів, міністерство мать мати як сполуоснователь шпиталю в справній раді четверо членів, но суть там лем троє. ‟Четвертого члена не знать з якых причін міністерство здравницьтва дотеперь непризначіло,‟ додав. Підчеркнув, же трьох членів мать мати тыж орґанізація Гуманіта, котра шпиталь закладала. Петковый одход з функції діректора жадать і опозичне KDH. (TASR, Pkf)