Середній номінальный місячный заробіток  в господарьстві СР за цілый рік 2025 досяг 1620 евр, што є меджірочный наріст о 6,3 %, то значіть о 96 евр. Хоч темпо звышованя грубых заробітків было найнижше за послідніх пять років, стачіло на то, жебы заробіткы росли і реално. Через высшу інфлацію реалны заробіткы зросли лем о 2,2 %, покы што в році 2024 досягли свій найвыщый наріст од року 2019, і то 3,7 %. В понедільок о тім інформовав Штатістічный уряд СР. Тот економічный факт указує, же хоч фінанчне обмеджіня родин через ціны  ся помалы понижує, купна сила людей ся іщі в цілій мірі не вратила на уровень перед крізов. (TASR, Пкф)