Сестрам одповідным за общу старостливость, котры абсолвовали одборну приправу в Румунії, ся од марца на Словакії узнавать одборна кваліфікація. Выходить то з новелы закона о узнаню документів о едукації і узнаваню одборных кваліфікації, котра од 1-го марца стала діяти. Новела тыж аплікує концепт такзваного автоматічного узнаваня кваліфікації в рамках членьскых країн Европской унії на продовжуваня в едукації. Єй цільом є забезпечіти, абы высокошколска кваліфікація або кваліфікація уможнювала приступ на высокошколске штудіюм здобыте в єднім членьскім штаті было автоматічно узнане на згоднім ступіню за цільом приступу к дальшому штудію в іншых членьскых штатох. (TASR, Pkf)