Словакія на уровні стабілных представителів при ЕУ знову заблоковала 18. паклик санкцій против Росії, увів портал Euronews. Його діпломатічны джерела подля своїх высловлїнь надале вірять, же компроміс з Европсков комісіов буде можне досягнути в найблизшых днях, інформує о тім пресаґентура TASR. Словацька влада під веджіньом премєра Роберта Фіца веце раз авізовала, же не підпорить приправленый санкчный паклик, покы не достане од ЕК достаточны ґаранції у звязку з ініціатівoв цілком скінчіти додовкы російского пліну до Европской унії од 1-го януара 2028-го року, што бы подля Фіца мало значный неґатівный господарьскый вплыв на Словакію. Білатералны дебаты меджі Бруселом і Братіславов подля Euronews покы не принесли перелом потрібный на зрушіня вета з  боку СР, котра го в середу уплатнила в часі засіданя амбасадорів в Бруселі. Далше засіданя стабілных представителів є на плані в пятніцю. На будучій вівторок ся потім в Бруселі стрітять міністрове загранічных діл членьскых країн ЕУ. (TASR, Pkf)