Посланці Народной рады СР у віторок схвалили зміны в актівных резервах, котры по новому вычеряють Народны оборонны силы. В рамках той пропозіції є і выникнутя жандармерії, котра бы могла помагати поліції при утримованю публічного порядку. Пропозіцію закона приготовило Міністерство обороны СР. Леґіслатівна пропозіція управлює выникнутя Жандарьского збору, котрый бы мав асістовати поліції. В нім бы могли служыти вояци або сучасны ці бывшы поліцайты. Жандары бы могли дістати єднакы права як має Поліцайный збор. Підпорядкованы будуть Поліцайному збору. Жандары дістануть 20 днів службы максимално по 12 годин, і нагороду 3000 евр.

(Медвідь, TASR)