Словакія вже дістала з Европского мірного інштрумену за воєньску поміч Україні першых 40 міліонів евр. На переломі років ся очекує выплачіня далшых 40 міліонів. В розговорі про TASR то потвердив дочасно повіреный міністер обороны Ярослав Надь. Як додав, грошы резорт такой схоснує на накупліня муніції і технолоґій про Озброєны силы Словацькой републікы. Европскый мірный інштрумент выникнув у 2021-ім році з цільом посилнити оборонны і безпечностны способности членів Унії і їй партнерів. До року 2027 бы у фонді мало быти 5,7 міліарды евр.

(Медвідь, TASR)