Словацька републіка ся стала частёв коордіначной ґрупы про ефектівне планованя і выкон евакуачных операцій NEOCG (Non-Combat Evacuation Operations Coordination Group). Інформовало о тім Міністерство загранічных дїл і европскых залежностей СР на основі ознамлїня од актуалного председніцького штату зґрупіня – Споєного кралёвства. ,,Здобытя статусу позорователя в тім вызначнім зґрупіню потверджує, же Словакія є релевантным партнером з якостнов експертізов в области крізового манажменту і евакуації, котру сі нашы партнеры важать і оцїнюють,“ выголосив шеф словацькой діпломації Юрай Бланар (Smer-SD). Упозорнив, же членство СР в здружіню NEOCG прыспіє ку лїпшій приготовлености в припадї потребы евакуації словацькых обчанів з крізовых областей.

(TASR, Шутіова)