Словакія того тыждня кінчить процес репатріацій жытелів СР, котры суть в реґіоні Близького выходу і Перьского заливу. Міністерство загранічных справ СР актуално евідує в тім просторі послідні десяткы Словаків, котры проявили інтерес о евакуацію. Стовкы далшых жытелів СР  подля його слов вырішыли в реґіоні остати і остають в евіденції реґістрачного сістему міністерства, припадно в тых дньох выужывають  обновлены комерчны леты своїх турістичных канцеларій ці летецькых компаній, котры поступно зачали фунґовати уж скоро у вшыткых країнах. Пресаґентуру TASR о тім інформовав комунікачный одбор резорту.   Словацька діпломація як главный коордінатор репатріачного процесу зреалізовала вєдно з Міністерством обороны СР і Міністерством внутра СР дотеперь 16 евакуачных летів, котрыма транспортовала до безпекы 634 жытелів СР і веце як 150 жытелів з далшых 31 країн. Днесь прилетить до Братіславы покы послідній  лет, котрым ся привезуть послідні заінтересованы о репатріацію з Дубая.  (TASR, Пкф)