Словацька републіка ся стримала при голосованю о резолуції Орґанізації Споєных народів к Сребреніцї. Міністерство загранічных дїл і европскых залежітостей СР то одоводнило потребовов захованя стабіліты на западнім Балканї. Увело то у своїм становіску з тым, же приятя резолуції без повной згоды членьскых штатів ОСН є історічным прецеденсом. ,,Не є вгодный час, жебы ся такый документ схвалёвав. Нашым цїлём є напрямити ся на передходжаня далшой меджіетнічной ескалації а намагати ся пріорітно пересаджовати змір і взаємну довіру, котры але не можуть быти натисканы звонка,” сконштатовав шеф резорту Юрай Бланарь (Smer-SD). Резолуція буде мати подля ёго слов в актуалній сітуації неґатівный допад.

(TASR, Шутіова)