Словацькый банковый сектор напрік сітуації на Україні забезпечує вшыткы фінанчны службы в цілім розсягу. Актуална сітуація немать вплив на його фунґованя і безпроблемову превадзку. На нияку словацьку фінанчну інштітуцію ся неодносять меджінародны санкції. Найвекшы словацькы банкы суть частьов великых европськых банковых ґруп. Пресаґентуру TASR о тім інформувала Народна банка Словеньска (NBS). (TASR, Pkf)