Універзіта Конштантіна Філозофа (УКФ) в Нїтрї орґанізує і тот рік день отвореных дверей (ДОД).  Інтересуючім о штудії протягом нёго понукне інформації не лем о універзітї і єй штудійных проґрамах, але і о штудентьскім жывотї на УКФ. Як інформовала універзіта, ДОД ся одбуде 17. фебруара а про пандемію ся вшыткых пять факулт УКФ представить у віртуалнім просторї. ,,Інтересуючі о штудії ся можуть стрїтити в нашій онлайн містности з проректорков про навчаня а діскутовати посередництвом чету о можностях штудій. Коротка онлайн презентація універзіты є напланована на 14.00 г. О десять минут пізнїше ся зачне чет о общіх вопросах штудія а далшого навчаня на УКФ,“ інформовала універзіта. В рамках віртуалной презентації ся представить і Штудентьскый центер ці Штудентьскый парламент.

(TASR, Шутіова)