У віці 76 років скінчіла вчера 3-го новембра жывотна путь цінного чоловіка професора Мілана Ґеркы, ректора Православной богословской семінарії Пряшівской універзіты. Протоєрей Мілан Ґерка ся народив 6-го януара 1945 в селі Ортутова в Бардейовскім окресі. Цілый свій жывот присвятив Православію, як священник, педаґоґ, або як представитель Метрополітной рады Православной церкви на Словакії, де служыв у різных позіціях. Довгы рокы быв в русиньскім музею членом Директорьской рады і про музей приправив сталу експозіцію під назвов „Утверди, Боже – з історії Православной церькви до року 1948. Вічная єму память і блаженый покой.  (А.Кузмякова)