Серьбскый презідент Александер Вучіч ся у четверь вечур в Москві стрїтив зо словацькым премєром Робертом Фіцом. Обидвоми пришли до російской метрополы на ославы 80. юбілеа закончіня другой світовой войны. З нагоды стрїчі з Фіцом серьбскый презідент на своїм контї на платформі Інстаґрам написав: ,,Братьска стрїча з премєром Словакії Робертом Фіцом днесь вечур в Москві. Серби і Словаци, братя навсе!“ Опубліковав і фотоґрафію, на котрій сі з Фіцом подавать руку. Премєр СР бы мав протягом навщівы Москвы абсолвовати білатералне рокованя з російскым презідентом Володимиром Путїном, чінскым презідентом Сі Тїн-пхінґом, бразілскым презідентом Луізом Інаціом Лулом да Сілвом ці найвысшым представітелём Вєтнаму.

(TASR, Шутіова)