Презідентка Зузана Чапутова у четверь заблагожелала Каталін Новаковій ку зволїню до функції презіденткы Мадярьска. TASR о тім інформовав говорця презіденкы СР Мартін Стріжінець. Подля презіденткы суть одношіня меджі Словакіёв і Мадярьском вынятковы, затоже обидві країны споює богата історія, але і велике множество културных, обчаньскых, але головно позітівных меджілюдьскых одношінь. Презідентка в листї підчеркла, же в тім міморядно тяжкім періодї, кедь світ челить пандемії і войнї, суть добры сусідьскы і приятельскы одношіня окремо цїннов годнотов.

(TASR, Шутіова)