x

Чісло потвердженых жертв на плюцну форму захворіня COVID-19 ся звышыло о 48 особ

00

Посередницьтвом 6563 выконаных RT-PCR тестів одгалили вчера 22-го апріля на Словакії 485 новых припадів захворіня COVID-19. Чісло жертв з причіны  нового коронавірусу ся звышыло о  48. Інформує о тім Народне центрум здравотницькых інформацій на своїй інтернетовій сторинці covid-19.nczisk.sk. За вчерайшый день тыж прибыло 429 позітівні тестованых антіґеновыма тестами. Є то 7,39  процент з 6563 скінченых RT-PCR дослідженых і 0,36 процент з 119.126 антіґеновых тестів,” приближыло Міністерство здравотницьтва СР на соціалній сіті. Найвеце позітівні тестованых RT-PCR тестами было в Жілінскім краю (110), наслідовало Пряшівскый (86), Тренчанскый (71), Кошыцькый (56), Банскобыстріцькый (51), Трнавскый (40), Братіславскый (39) і Нітранскый (32). Чісло потвердженых жертв на плюцну форму захворіня COVID-19 ся звышыло о 48 особ.  (TASR, Pkf)