Словацького номінанта на еврокомісаря Мароша Шефчовіча в понедільок схвалили два ключовы комітеты Европского парламенту за комісаря про обход і господарьску безпеку, меджіінштітуціоналны односины і транспарентность. Про TASR то потвердив словацькый евродепутат Браніслав Ондруш. Евродепутат повів, же іде о офіціалны резултаты і Словакія має як перша потвердженого комісаря. Ондруш додав, же формалны рішіня о резултатах выслуховань буде зберати председкыня Европского парламенту Роберта Метсолова. Кедь їх буде мати вшыткы, оголосить резултаты выслуховань шефці еврокомісії Урсулі фон дер Леєновій і формално їх публікує.

(Медвідь, TASR)