Ґенералный директор Словацькой іншпекції жывотного середовища Ян Єнчо ся вздавать своёй функції. Інформовав о тім на четверёвій тисковій конференції. ,,У четверь єм до подательни міністерствa жывотного середовища доручів суглас з моїм одкликанём з функції ґенералного директора СІЖС, а то з платностёв од 1. януара 2024 рока,“ повів Єнчо. Вадить му способ комунікації, котра подля нёго неґатівно овпливнює інштітуцію і заместнанцїв. На ёго одкликаня мусить іщі выдати суглас Уряд на охрану ознамователїв. Єнчо вірить, же по ёго одкликаню буде СІЖС надале одборным контролным орґаном.

(TASR, Шутіова)