Як бы ся  вольбы до Народной рады (НР) СР одбыли  на початку фебруара, выграла бы партія Hlas-SD із здобытям 20,8 процента голосів. Другым в ряді бы скінчів Smer-SD (14,6 процента), по нім наслідує Проґрасівне Словеньско (11 percent). Выходить то з дослідженя, котре в дньох 1-го аж 8-го фебруара на взорці 1017 респондентів реалізувала аґентура Фоцус про релацію TV Markíza На тіло. Четверта бы в ряді скінчіла Република, котра бы здобыла 8,5 процента. Наслідує рух Сьме родина із здобытям 7,7 процента. До парламенту бы ся достало і KDH, котре бы волило 6,9 процента голосуючіх, OĽANO із 6,4 процентами голосів і  SaS (5,3 percenta). (TASR, Pkf)