Міністер обороны СР Ярослав Надь ся подробив безпечностній перевіркі на найвышім ступіню утаїня – “Строго тайне“. Зробив так з властной ініціятивы, подобный крок рекомндував і дальшым колеґом. Пресову аґентуру TASR о тім інформувала говоркыня резорту обороны Мартіна Коваль Какашчікова. Надь так зробив і наперек тому, же як член влады СР є особов з вынятковов функційов у відношеню к утаёваным справам і право на обознамліня ся з ними му то значіть автоматічно выходить уж по призначеню до функції. (TASR, Pkf)