Келчік у звязку з єдноразовым вкладом про робітників в штатній і верейній справі буде правдеподобно фінанцованый з даньовых надприймів штату. Предпокладають то коалічны посланці – председничка посланецького клубу SaS в Народній раді СР Анна Земанова і председа посланецького клубу OĽANO Мілан Ветрак, котры ся к темі высловили в діскусній релації RTVS о 5 мінут 12. Член председницьтва партії Smer-SD Маріан Кери в дебаті підчеркнув, же неіде о сістемове рішеня. Ветрак знова підчеркнув, же пропонувана одмена є дальшов формов помочі, котру пропонує OĽANO як компезацію за здорожованя, выкликане інфлаційов. (TASR, Pkf)