Пропонуваный договор о обранній сполупраці меджі СР і США ниякым способом неогрожує сувереніту і незалежність Словакії. В реакції на выступліня представителів партії  Smer-SD, котры хочуть ініційовати в данім вопросі референдум, то увів міністер заграничных справ і европскых односин СР Іван Корчок. ‟Заграничнополітичне і безпечностне поставліня Словакії неогрожує пропонуваный договор, але політика Smeru,“ увів дале Корчок. Опозичну партію вызвав, абы неполітікарчіла з безпечностьов штату і радше поянювала, як може договор, котрый підписали окрім іншого про посілніня свойой безпечности Польща і Мадярьско, быти загрожіням про сувереніту Словакії. (TASR, Pkf)