Міністерство доправы і выставбы СР (MDV SR) актуалізовало методічный поступ, завдякы котрому можуть ставбары жадати о звышіня цін при розбудованых ставбах. Інформував о тім Мартін Петро з одбору комунікації резорту доправы. Першу верзію опубліковало міністерство іщі перед літом, на новій сполупрацовали одборници з Інштітуту доправной політикы, Уряду влады СР, Штатістічного уряду СР ці Утварю цінности за гроші (Útvaru hodnoty za peniaze) і зо Союзом ставебных подникателів Словакії і заступцями ставебных фірем. Выпочет є поставленый на верейні доступных данях Штатістічного уряду СР о цінах ставебных матерялох.  (TASR, Pkf)