Опозічна партія SaS вызывать премєра Роберта Фіца і презідента Петра Пеллеґріні, жебы зробили політічне рішіня і зо засіданя парламенту стягли новелізацію закона о охрані природы, котра дотулять ся реґулації рубаня стромів. На понедільковій пресконференції то повів посланець Алойз Глина. О новелізації подля нього не мало бы ся голосовати, а не мала бы ся ани наново схвалити по веті презіденткы Зузаны Чапутовой. За словами Глины є то плана пропозіцію закона, а кедьже з міністром Тарабом не дасть ся бісідовати, вызва є адресована премєрови і презідентови. Голова державы і председа влады мають подля Глины шансу „тот злый закон оправити і сітуацію змінити“. Стягнутя новелізації може подля нього обговорити коаліція на коалічній раді. Глина єдночасно вказав на то, же з пропозіційов закона не є згодне ани Здружіня міст і сел Словакії.

(Медвідь, TASR)