Як інормовав Пресовый центер Кошыцькой єпархії, Папа римскый Франціск іщі у фебруарі встановив десять тем про сінодалны штудійны ґрупы, котры ся мають бадати перед другым засіданьом Сіноду в октобрі 2024-го року. У віторок 9-го юла Ватікан публіковав членів окремых штудійных ґруп. За члена ґрупы, котра має занимати ся штудованьом выбратых аспектів односин меджі восточныма католицькыма церьквами і латиньсков церьквов, быв призначеный архієпіскоп Кіріл Василь – кошыцькый єпарха. Владыка Кіріл є окрім того і папскым делеґатом про Сірійско-малабарьску католицьку церьков у Індії.

(Медвідь, TSKE)