Шпортовцом Пряшівского самосправного края (PSK) за рік 2019 ся став гадзанарь Татрана Пряшів Лукаш Урбан. Крайска самосправа приділила в рамках вчерайшого ґалавечера в Театрі Йонаша Заборского в Пряшові і дальшы оцініня про успішных шпортовців і шпортовы колективы PSK за минулый рік. В інтернетовім голосуваню переміг Карате клуб юніор Пряшів. Одборна комісія на основі минулорічных выслідків призначіла десать найуспішнішых шпортовців PSK – єднотливців в катеґорії дорослых без призначіня місця, три найуспішнішы шпортовы колективы в катеґорії дорослых і молодіжны. Оцінили і найуспішнішых шпортовців середніх школ, найуспішнішу середню школу ці зневыгодненого шпортовця і переможця інтернетового голосуваня. (TASR, Pkf)