У віторок 3-го фебруара в Священьскій семінарії блаженого єпіскопа Павла Петра Ґойдіча в Пряшові стрітив ся Высокопреосвященый владыка Йона, пряшівскый архієпіскоп і митрополіта із священиками на пензії, їх женами, і вдовами по священиках. В каплічці Найсвятішой Тройці в семінарії, вєдно із емерітным пряшівскым архієпіскопом владыком Йоаном Бабяком і остатніма священиками одслужыв літурґію, котров дяковали за дар священства, і в молитвах думали на помершых священиків. По літурґії владыкове вєдно із священиками помолили ся панахіду за вшыткых помершых священиків і їх жены. Стріча продовжовала обідом і взаємныма розговорами.

(Медвідь, ISPA)