Святішый Отець Франціск быв Папом милосердя. Быв людьскый, скромный і мав велику тугу по мірі. На соціалній сіті Facebook то написав Высокопреосвященый Йона Максим, пряшівскый ґрекокатолицькый архієпіскоп і митрополіта. Владыка вызвав на молитвы за Папу Франціска, котрый вмер в понедільок в ранных годинах. За його словами быв Папом милосердя. „Доказом того быв, і курто по зачатку його понтіфікату, выголошеный вынятковый рік милосердя,“ написав митрополіта з тым, же священикам і єпіскопам все акцентовав важность того, жебы одпущати, помиловати грішных і быти місіонарями милосердя. Щіре співчутя братам і сестрам із Римокатолицькой і Ґрекокатолицькой церькви высловив вчера і православный михалівско-кошыцькый архієпіскоп Ґеорґій.

(Медвідь)