Гасічі з Межілаборець в ночі на неділю понад штири годины засяговали при пожарі в катастрі села Габура. На місце закликали і гасічів з Гуменного. Як на соціалній сіті інформовав Гасічскый і ратуючій збор, по приході на місце пришли на то, же пожар быв у рекреачній хаті і скоро пошырьовав ся. Наслідком пожару не была зранена жадна особа і гасічам ся подарило пожар локалізовати, інформовав збор. На місце была выслана і експертізна ґрупа на розсліджіня причін вынику пожару з Міністерства внутрішніх справ. Шкода была оцінена на 200 тісяч евр.

(Медвідь, TASR)