Зажыти на властній  кожі творбу керамічных предметів денной потребы як ю реалізували правекы горчарї  понукать археопарк в Ганушівцях над Топльов. Частьов пятьдньового  workshopu з назвом Правека кераміка в Археопарку – Жыва археолоґія буде і выпальованя вытвореных выробків в пеці і в ямі. Пресаґентуру TASR о події підпореным Фондом на підпору уміня інформував Растіслав Жітный з Тріполітаны – Крайского музеа в Пряшові.
Workshop, котрый понукать спознати автентічны інформації о зручности правекых горчарїв і властныма руками собі вымоделовати кераміку, ся в ганушівськім археопарку одбывать од днешнього дня до неділі  (22. – 24. 7.). Вытворены выробкы ся будуть выпалювати в часі наслідуючого вікенду (30. – 31. 7.). (TASR, Пкф)