В Грабскім, роднім селі блаженого єромученика Василя Гопка одбыв ся в неділю архієпархіалный одпуст Пряшівской архієпархії. Тот рік быв повязаный зо святкованьом 75-ой річніці єпіскопского рукоположіня владыкы Гопка, котре прияв 11-го мая 1947-го року з рук втогдышнього пряшівского єпархы Павла Петра Ґойдіча в Пряшові. Архієрейску літурґію одправляв владыка Петро Руснак, апостольскый адміністратор Пряшівской архієпархії, участный быв і емерітный архієпіскоп Йоан Бабяк а священици з близкой і далекой околіці. Торжественну літурґію допроводив Хор св. Романа Сладкопівця. Літурґію опередив богатый літурґічный проґрам.

(Медвідь)