Місто Гуменне докінчило модернізацію выбавліня Містьского културного центра  (MsKS). Як інформував Маріан Шкуба з пресового реферату містьского уряду, в рамках проєкту дошло к обнові театралной салы MsKS вєдно іншталації новых модерных сценічных елементів і  світел. Частьов модернізації было і зліпшіня гіґєнічных штандардів і аплікація новых іноватівных технолоґічных елементів в цілім споминанім центрі. Цілковый келчік на зреалізованя проєкту є у вышці 223.747 евр, причім  місто Гуменне і MsKS предфінанцовали проєкт у вышці 210.000 евр з властных джерел. MsKS приспіло дальшыма 13.747 еврами. По выучтованю проєкту в тім року Міністерство културы СР рефундує ненавратный фінанчный вклад у вышці 190.698 евр, котрый ся верне місту.