Вігорлатьскый музей в Гуменнім кличе любителів і шырителів фолклорных традіцій на реґіоналный конкурз автентічной фолклорной музикы і співу під назвов Музичный фолклор дорослых. Реґіоналне коло про окресы Гуменне, Снина і Меджілабірці буде проходити 16-го септембра 2017-го року в ареалі сканзену Вігорлатьского музею в Гуменнім. Конкурз є заміряный на ожывльованя і утримованя традічного фолклору Вышнього Земпліна як културной дідовизны того реґіону. Сучастьов проґраму буде і споминковый проґрам присвяченый памяти недожытых 70-ых народенин Марії Чокиновой, родачкы зо села Убля, вызначной русиньской інтерпреткы автентічного фолклору
(Петро Кімак-Фейко)