Місто Михаловцї в рамках проєкту Заведжіня сістемы важeного множствового зберу планує выбудпвать новы кантайнеровы стоїска в містї. Радніця в тім повязаню выголосила верейне обстараваня на зготовителя ставебных і технолоґічных робот. Як выходить з інформацій опублікованых у вестнику Уряду про верейне обстараваня, передпокладана цїна заказкы є 3.251.633,33 евр без ДГП. Частёв заказкы є додавка і монтаж контайнеровых пристрешків, выбудованя спевненых плох, іншталація електрозамків і рядячіх єдноток. Новы стоїска будуть мати оцелёву конштрукцію з можностёв замыканя а будуть на первісных контайнеровых місцях або в їх близкости. Замір є частёв проєкту, на котрый місто здобыло ненавратный фінанчный приспівок у вышцї 3,68 міліона евр з Міністерства жывотного окружіня СР в рамках Проґраму Словеньско 2021- 2027. Цїлём є понижаня множества змесового комуналного одпаду а посилнїня трідженого зберу.

(TASR, Шутіова)